Kirkjuskóli 22. janúar

Nú er orðið uppselt á þorrablótið í Álaborg og þakkar þorrablótsnefndin frábærar viðtökur.

Ef þú hefur áhuga á að koma geturðu sent póst á midasala@difn.dk og komist á biðlista. Við seljum ósóttar pantanir frá 26.jan.

Stefnir allt í frábært blót. Æfingar standa yfir á hinum margrómuðu skemmtiatriðum, búið að panta matinn og Skítamórall á fullu að undirbúa sig fyrir ferðalagið til Álaborgar.

Að venju verður happadrættið á sínum stað þar sem allir gestir geta tekið þátt. Á meðal vinninga eru:

70 þús kr.gjafabréf frá Samskipum búslóðaflutingar, gjafabréf frá Icelandair, hvalaskoðun á Húsavík, klipping hjá Stellu, nudd hjá nuddstofu Hönnu, gjafabréf frá Hurlumhejhuset Hjørring og margt margt fleira.    Munið að miði er möguleiki ;)

Sjáumst hress á frábæru blóti :)

Me...me... með ullinni og öllu

Þorrablót Difn 11 febrúar 2012

Miðasala á Þorrablót Difn er í fullum gangi og örfáir miðar eftir. Frábær matur, gott fólk og hljómsveitin Skítamórall mætir til Álaborgar og heldur uppi stuðinu fram á nótt.

Sendu póst á midasala@difn.dk ef þú vilt skella þér á blótið í ár

Áramótabrenna DIFN verður venju samkvæmt á bílastæðinu við Budumvej, til móts við Vilsundvej.   Hittumst og kveðjum gamla árið, skjótum upp blysum og syngjum saman.

Brennan hefst kl: 21:00

Kveðja stjórn DIFN

Sæl öll, jólaball DIFN verður haldið 26. desember kl:14:00

Við verðum í Kanalhúsinu, Damstræde 48 og ef við erum stillt og góð þá koma jólasveinar með íslenskan glaðning fyrir káta krakka.

Við dönsum í kringum jólatré og höfum það gaman saman

Það verður sameiginlegt kökuborð sem allir eru beðnir um að koma með eitthvað góðgæti á.

Sjoppan verður á staðnum, með íslenskt sælgæti, gos og djús

Allir velkomnir, hlökkum til að sjá ykkur öll

Stjórnin

Jæja, þá er komið að seinasta kirkjuskólanum á þessu ári

við hittumst kl 11 sunnudaginn 11. des og höfum það huggulegt saman.

Við ætlum að syngja og leika saman, tala um jólin og gera fleira skemmtilegt.

Allir eru beðnir um að hafa með sér eitthvað á sameiginlegt borð, við verðum eins og alltaf með djús og kaffi í boði.

Sjáumst vonandi sem flest

kv. Hanna Vigdís, Thea, Erla Rún, Ásdís Ósk og Camilla

Me...me... með ullinni og

öllu...

11.febrúar 2012 verður hið árlega þorrablót DIFN í félagsheimilinu Øster Uttrup. Í ár toppum við allt og alla og fáum hljómsveitina SKÍTAMÓTAL til Álaborgar til að spila fram á rauða nótt á meðan við spriklum á dansgólfinu.

Taktu kvöldið frá fyrir frábæra skemmtun með fullt af skemmtilegu fólki

Miðaverð 380 kr.

Forsala aðgöngumiða er hafin fyrir félagsmenn DIFN. Ert þú ekki skráð/ur í félagið? Þá getur þú gert það núna um leið og þú pantar miða á midasala@difn.dk

Sjáumst hress á skemmtun ársins

Sæl öll, við minnum á greiðslu félagsgjalda

100 kr fyrir fullorðna og 10 kr fyrir börn

Reikningsnúmer DIFN er:
Reg: 1551
Kontonr: 3201156645

Einnig er hægt að greiða félagsgjöld þegar mætt er á viðburði, sá næsti er Aðventubingó á sunnudaginn 27. nóvember.

Þorrablótið er einnig á næsta leiti og mun forsala fyrir félagsmenn hefjast í desember svo það er ekki seinna vænna að greiða félagsgjöldinn svo hægt sé að tryggja sér Þorrablótsmiða.

kv. stjórnin

Jólapakkar - jólapakkar