Vissir þú ...

Sæl öll,

Kirkjuskólinn tekur til starfa á nýjan leik næstkomandi sunnudag (12.09)

Við hittumst í Kanalhúsinu við Damstræde 48 kl 11:00

Við ætlum að lesa, syngja, lita og leika saman.

Við sjáumst

Hanna Kristín, Erla Rún, Edda Björk, Ellen Bára og Eva Dögg

Íslendingar í Danmörku

Fermingarundirbúningurinn hefst með fermingarmóti á Åh Stiftgård 24.-26. sept. Unglingar koma á mótið víðs vegar að frá Danmörku og einnig koma unglingar frá Svíþjóð og Noregi. Tækifæri gefst til að kynnast og byrja fræðsluna af krafti.

Á fermingarmótinu samtvinnast nám, leikur og skemmtileg samvera. Hópurinn hefur yfirleitt verið ca. 25-30 manns. Fræðslan heldur áfram eftir þessa helgi með því að unglingarnir sækja guðsþjónustur og skila verkefnum með tölvupósti. Að vori hittist hópurinn að nýju eina helgi. Unglingarnir fermast ýmist hér í Danmörku eða heima á Íslandi. Þeir sem vilja vera með í fermingarfræðslu í vetur þurfa að skrá sig fyrir 10. sept.  Upplýsingafundur verður í Jónshúsi þann 8. september kl. 20:00. 

Fyrir þá sem komast ekki þá er sjálfsagt að hafa samband við Margréti eða Lárus.Til að fá nánari upplýsingar eða skrá sig þá er hægt að hafa samband við umsjónarmann; Lárus í 56149322/22131810, larus@brostu.dk eða sóknarnefndarformann;  Margréti í 33797717/31217716, margretjons@hotmail.com

Flóamarkaður DIFN!
Á laugardaginn verður flómarkaður Difn í Kanalhúsinu á sama tíma og haustgrill Difn er í gangi og hvetjum við alla til að kíkja við og gera góð kaup.  Allir eru velkomnir að koma og versla þó þeir taki ekki þátt í haustgrillinu.
Þarna er um að ræða mikið af eigulegum hlutum og þá sérstaklega fyrir þá sem eru nýkomnir til Álaborgar og eiga enn eftir að fylla híbýli sín.
Varningurinn er ekki af verri endanum, öryggishlið fyrir börn, eldhús barnastólar, eldhúsáhöld, pottar, lampar samkvæmt nýjustu tísku straumum, VHS myndbandstæki, gervihnattadiskur, og GSM símar „klar til brug“ eins og segir á leiðbeiningunum.
Fyrir þá listhneigðu  verða frábær listaverk eftir „Garúnu“, kertastjakar og ramm íslensk póstkort. Hægt er að létta undir jólaundirbúningnum og fá aðventuljós ásamt jólaskrauti og jólatrésfæti.
Fyrir tómstundastarfið verður í boði píluspil, fjöldinn allur af skákbókum og rúsínan í pylsuendanum eru svo ómetanlegar VÍNIL- hljómplötur. Hver vill ekki eiga „Mamma beiglar alltaf munninn, hún er að fara á ball.....“ og fleiri ódauðlega smelli.
Hvetjið svo vini og kunningja til að koma og prútta um verð og skapa réttu stemminguna. Allur ágóðinn rennur til Difn til að gera starfið enn fjölbreyttari og skemmtilegra.
                                                                

 Flóamarkaðsstjórinn

4. september nk. verður haustgrill DIFN haldið í Kanalhúsinu Damstræde 48

Hoppudýna verður fyrir börnin, frábær matur og sjoppa DIFN verður á sínum stað, með úrvali af allskyns sælgæti frá Íslandi. Fyrir matinn verðum við með flóamarkað, þar sem kennir ýmissa grasa. Fólki er velkomið að koma með dót á markaðinn, hvort sem það vill vera með bás/borð sjálft eða bæta við hjá félaginu.

Húsið opnar kl. 17.00 og verður matur um kl. 18.00

Drykkir verða seldir á staðnum

Verð 60 kr. fyrir fullorðna félagsmenn og frítt fyrir börn í félaginu.

Fyrir þá sem ekki hafa greitt í félagsgjald í DIFN, er verðið, 160 kr. fullorðnir, 10 kr.börn

Skráning á grillið fer fram á  skraning@difn.dk

Síðasti skráningardagur er 31. ágúst

Frumkraftar jarðar - funandi ljós nefnist íslensk-dönsk sýning sem opnuð verður mánudaginn 23. ágúst kl. 17-19. Sýningin verður sett upp í töfrandi gömlu pakkhúsi sem gert hefur verið að  menningarhúsi, Gøgsigs Pakhus í Sindal og þar má sjá listaverk fimm íslenskra og danskra listamanna. Þarna eru þæfðar ullarvörur Kömmu Nielsdóttur Dalsgaard og keramik eftir Ulla Holm Nielsen og Önnu Jóhannsdóttur. Sú síðarnefnda sýnir einnig myndir og slíkt hið sama gera Gitte Lis Thomsen og Rúna Kömmudóttir Tetzschner.

Nánari upplýsingar um þessa sýningu er að finna hér